تواصل اول موقع الكتروني خاص في قضاء القرنة

عراقي يقوم بجمع عدد من الأيتام في بيته ويطعمهم وجبة عشاء
شنو رأيكم بالمبادرة ؟ وشنو رأيكم اذا كل واحد يدعو الفقراء بدل أصدقائة أو اقربائة والمتمكنين ؟
تابعوا التفاصيل 

خاص / تواصل اول موقع الكتروني خاص في قضاء القرنة

 السلام عليكم طبعاً اني اشتغل حالياً بجمعية اسمها #جمعية_التعاون_الخيرية الجمعيه خاصة لمساعدة الايتام والفقراء وشهداء الحشد الشعبي 700 يتيم تقريباً يستلمون راتب شهرياً نملك فريق متطوعين اسمه فريق بناة العراق لتسقيف البيوت (الفقراء والايتام وشهداء الحشد) وبعض البيوت بنيناها من الصفر يعني من الاساس ساعدنه هواي مرضى ودزيناهم خارج العراق للعلاج وتمت العمليات بنجاح والحمد لله لم تفشل اي عمليه نساعد المرضى ايضاً لتسهيل امرهم بالتعاون مع اطباء داخل المحافظه عدنه اكثر من 35 يتيم كل يوم جمعه برنامج خاص لتدريسهم مع وجبات غذاء داخل الجمعيه وايصالهم للبيت ذهاب واياب . المطلوب بعد هذا الكلام ومثل ما تعرفون رمضان ع الابواب 1- الي عنده ملابس زايده بدل ما يشمرها او يبقى مخزنها يتصل علينا وبأي مكان راح نجيه وناخذها 2- المواد الغذائية (طحين , تمر , شكر , تمن .. الخ ) أي شي نفس الكلام السابق مجرد اتصال يلكَانه يمه . 3- الاجهزة الكهربائية أي جهاز كهربائي بمكان ما تشمره عدنه استعداد نصلحه اذا عاطل واذا ما تحتاجه وهذا الافضل نكَدر نستفاد منه لسد حاجة يتيم بأمسّ الحاجة إله . 4- عدنه شي اسمه الحصاله يخليها المتبرع ابيته او بمحل عمله وكل شهر او شهرين راح يجي المندوب الخاص بالحصالات يجمع المبلغ وينطيه وصل مختوم (واردات الحصالات) للأيتام والفقراء 4- خمس ساده + خمس عوام مستعدين نستلمه ونسلمه بيد الايتام الساده والعوام مباشرةً واذا طلب الشخص صاحب المبلغ التاكد يجي بيوم التسليم ويشوف بعينه . 5- الكفالة : يكَدر اي شخص عنده امكانية يتكفل يتيم بمبلغ مالي لا يقل عن 35 الف دينار عراقي شهرياً راح نختارله يتيم مستحق وما شاء الله عدنه جيوش من الايتام ومن جميع المناطق واطراف المحافظه اما يجي لمقر الجمعيه يسلم المبلغ او يتصل علينه واحنه نجي نستلمه . 6- التطوع : يكَدر اي شخص ايضاً يطوّع ويه فريق بناة العراق (iraq builders) طبعاً عمل الفريق تسقيف وبناء البيوت والعمل فقط يوم الجمعه بالنسبة للفريق . أخيراً // اكو فقره تزامناً مع شهر رمضان اذا عندك استعداد تدعو ايتام لبيتك وتتكفل بفطورهم احنه راح نوصلهم على حسابنا للبيت ذهاباً وإياباً ونضمن للشخص بأنه الايتام الي راح يجون معظمهم شهداء حشد شعبي وأيتام مستحقين .. #جمعية_التعاون_الخيرية #فرع_ذي_قار #الناصرية_شارع_بغداد_خلف_بناية_الضريبة فيس بوك :- aytam thiqar الياهو :- aytamthiqar@yahoo.com ألجي ميل :- aytamthiqar@gmail.com أليوتيوب :- aytam thiqar الموبايل :- الجمعيه 07818324698 07818324703 رقم مدير فريق بناة العراق iraq builders 07814007374 شاركو المنشور أعتقد ما راح تخسرون شي وخاصة انه المنشور خدمــــــــةً للأيتام لا غير